Mat 3 | GAM | STEP | Kune ge distrik Judia dumo wapra yei al Jon nu pagle awi iwa wo kandja dje awo embe dji,

Matthew 3

Jon nu pagle awi una kandja dje una awi

(Mak 1.9-11 ne, Luk 3.21-22)

1 Kune ge distrik Judia dumo wapra yei al Jon nu pagle awi iwa wo kandja dje awo embe dji, 2 God dumoye wopake kantau yenda ^{▼▼God dumoye wopake kantau yenda we dje bolo wori pai ge, kandja tok pisin al ge kingdom we djine. God dumoye wopake kantau yenda we dji ge me pende paro. Me soka pai ge embe: ta ge, pillgi pai una golo po God dumoye wopake kantau yenda al ge pine. Wamo al napine, kupill al pine. Alla me ta ge, nonekne makimb al mormon kune ge, nono nomane awo kerbonka, God nono kantau ye moya. Une nono King moya, nono yene wombaye mopon. Nonekne dumene man, yene dumoye. Ge nonekne ellne tukne al yero. Nonekne nomane man, yene nomane. Nonekne nomane kantau yembon, ge man. Yene kantau yenda. God yene dumoye wopake yero al ge, une kerman moya, nono menameto mopon. Alla, God embe moyaka nono embe mopon ge, une ipon pille dji, kumaike gopon ege ge pille nadji.} kune ge ipon yero. Ye nomane ake tome! dji. 3 Asa propet Aisaia iwa ge pille pepa bolo embe dji, dumo wapra yei al iwa ta yau to embe djindo, Iwa Kerman wonda al ge, ye po amblo wopake ye, kond wonda al ge, yekun yeme! dji.

4 Jon moi ge une kog kamel ene kon pakna beke woro, kog kau gakle kapirba kumbe al tulo, djeg to, banj nuye boll no wani. 5 Jerusalem una ne, Judia una ne, Jodan kapa manda moi una porapora, yenekne dumene kere er Jon moi al woi. 6 Wo singare ke ye wani mal dje pene wormaka, Jon nu Jodan kapa molo nu pagle awi.

7 Parisi una ne, Sadusi una wo Jon nu pagle aunda dje womaka, Jon kane kandja awo embe dji, ye nomaga ke moro mal embe mor. God are tano we dji ge una ne mal wo dji, ye seke er na moro al woj ne? dji. 8 Ye nomane kaima ake toi dal, ye singare wopake yene, kende nayene. 9 Nono Abraam wombaye mormon pille God nono wandill golo aundo we dje napillme! dji. God ku kiwa i bekdaka wor Abraam wombaye kul pine ge kune yendo. Ye Abraam wombaye mor ge God ye pille we nayendo we dji. 10 God djapin i iko me al wori yero. Iko megiye wopake natoi dal, une simb to kal woro wamo gaya we dji.

11 Ye singare ke ye wani dje pene worinj pille, na ye nu pagle aundo ba, are iwa ta wonda ge une yembe dongall pandaka na kamblo aunda. Na une kake kau amblo i puno ge kune nayendo. Une ye nu pagle aunda ge une God Murble ne, wamo boll pagle aunda we dji. 12 Une bulo amblo wit megiye moro ge brim dje worda. Megiye yage kal to moya ge une i numb al worda ba, tandwane moya ge une wamo gaya, do pa moya, pora nadjinda we dji

Jon Jisas nu pagle awi

(Mak 1.9-11 ne, Luk 3.21-22)

13 Kune ge Jisas distrik Galili kere er nu Jodan kapa wo embe dji, Jon ni na nu pagle aumben we dji. Ba 14 Jon man dji, namba yei pille ni na moll al wonden ne? Na ni nu pagle auno ge kune nayendo. Ni na nu pagle aumben ge kune yendo we dji. 15 Djika Jisas embe dji, na kandja djindo ge pandambe dji. Embe yemboll ge, God singare wopake kando mal yemboll we dji. Jisas kandja embe djika Jon une nu pagle awi.

16 Nu pagle awika Jisas nu al ola dje kere er orko woi. Woika kupill al au djika, Jisas kani God Murble ge ka pulma mal embe pir dje wo une moi al woi. 17 Iwa ta kupill al molo yau to embe dji, iwa ge na warna moro. Na une kane wopake kaima kando, na wo pille aundo we dji.